A CEA DE PASCUA
A cea de Pascua era unha festa do pobo
xudeu. Nela celebraban que Deus os liberou da escravitude e fixo con eles unha
alianza para sempre. A Pascua foi a última cea de Xesús antes de entregar a súa
vida por todos.
A ÚLTIMA CEA
Xesús sabía que os seus inimigos o
buscaban para matalo. É antes de que chegase ese momento, quixo celebrar
a cea de Pascua cos seus amigos os apóstolos.
Durante a cea, Xesús tomou o pan
que había sobre a mesa, bendiciuno, partiuno, e déullelo aos seus amigos
mentres dicía:
- Tomade e comede, isto é o meu corpo,
que se entrega por vós. Facede isto en memoria miña.
Logo, colleu nas súas mans a copa de
viño, fixo o mesmo que co pan e díxolles:
- Bebede todos desta copa, é a copa do
meu sangue, o sangue dunha nova alianza que se derrama por todos.
A RESURRECCIÓN DE XESÚS
Os apóstolos, coa resurrección,
convencéronse de que Xesús era o Fillo de Deus. A vida, a morte e a
resurrección de Xesús demostraron a grandeza do amor de Deus.
A resurrección de Xesús é o
acontecemento máis importante da relixión cristiá porque representa
a vitoria do amor e a vida sobre o
pecado e a morte. Pola resurrección de Xesús sabemos que a morte é o paso a
unha vida nova, feliz e para sempre.
Pola súa morte e Resurrección Xesucristo
"abriunos" o ceo. Aqueles que creron nel permanecerán fieis á súa
vontade participan na súa gloria.